Ċama Ċama

Hekk kif is-sħana tas-sajf f'Malta tinżel fuq ir-raħal, it-toroq jimtlew bir-ritmu familjari tal-festa. Iżda taħt il-kuluri vibranti u l-mużika, tbaqbaq tensjoni. Deċiżjonijiet meħuda wara bibien magħluqa qasmu l-parroċċa, u qajmu dibattitu bejn dawk li jħaddnu bidla meħtieġa u dawk li jibżgħu li jintilfu tradizzjonijiet għeżież.

Maqbuda fin-nofs, Christine tispiċċa taffaċċja memorji tal-ħabiba tagħha tat-tfulija, Margaret, filwaqt li Dun Noel u Dun Clint jitħabtu biex isibu bilanċ bejn il-fidi tagħhom u l-aspettattivi tqal ta’ komunità maqsuma. Fost il-kaos annwali u l-ħeffa tal-umoriżmu ta’ Fredu, Ċama Ċama tiżvolġi bħala drama kontemporanja  kommoventi. Tesplora l-kumplessità tas-sens ta’ appartenenza u l-kuraġġ profond meħtieġ biex titkellem meta s-skiet jidher aktar faċli.

Magħżula għall-Kompetizzjoni tal-Kitba  tal-Iskripts Studio Francis Ebejer tal-2024, dan id-dramm jaqbad il-qalba ta’ soċjetà li qed tinbidel u li qed tissielet mal-identità tagħha stess.

Diskussjoni wara l-ispettaklu se ssir nhar il-Ħadd, 10 ta' Mejju.

Kittieb: Gabriel Lia

Mentor tal-iskript: Immanuel Mifsud

Direttriċi: Lee-N Abela

Disinn tas-Sett: Romualdo Moretti

Disinn tad-Dawl: Chris Gatt

Disinn tal-Ħoss: Luke Camilleri

Atturi: Peter Galea, Emmanuel Cassar, Chris Camilleri, Abigail Borg, Alexia Micallef

Dan il-proġett huwa kkummissjonat minn Spazju Kreattiv u huwa fi sħubija mal-Arts Council Malta, Teatru Malta u Teatru Manoel.