L-Arkivji Nazzjonali ta’ Malta qed jospitaw retrospettiva speċjali biex jonoraw lil Cecil Satariano (1930-1996), produttur tal-films, kritiku u awtur pijunier Malti.Bejn l-1969 u l-1978, Satariano dderieġa ħames films li rebħu premjijiet, u żewġ films relatati mal-ivvjaġġar, li kollha nġibdu fuq film b’pellikola żgħira.
It-tieni film tiegħu, jiġifieri Giuseppi (1971), li ġie mfaħħar ħafna, rebaħ 20 premju internazzjonali. L-aħħar film tiegħu, Katarin (1978), kien kisba importanti bħala l-ewwel film Malti li nxtara minn distributur ewlieni tal-films barrani.
Il-ħames films ta’ Satariano issa ġew diġitalizzati u restawrati bir-reqqa minn “The Cecil Satariano Film Restoration Project”, immexxi minn Veronica Galea, li kien tragward storiku għall-wirt ċinematiku ta’ Malta. Dan se jippermetti lill-ġenerazzjoni l-ġdida tesperjenza, bħal qatt qabel, ix-xogħol tiegħu li issa jifforma parti mill-Arkivji Nazzjonali ta’ Malta. Dan l-avveniment speċjali se jinkludi wirjiet ta’ dawn il-films li għadhom kif ġew restawrati u, permezz ta’ panels ta’ diskussjoni u preżentazzjonijiet, joffri ħarsa dettaljata lejn l-influwenza dejjiema ta’ Satariano.
L-avveniment jifforma wkoll parti mill-programm tal-Jum Dinji għall-Wirt Awdjoviżiv tal-2025, ikkoordinat mill-Coordinating Council of Audiovisual Archives Associations.
Jum 1 - 23 ta' Ottubru 2025 @ 7:00 pm
Ingħaqad magħna għal żewġ Preżentazzjonijiet u żewġ wirjiet
Preżentazzjoni 1 Cecil Satariano, Ħajja u Ħidma minn Jean Pierre Borg Skopri lil Cecil Satariano, mill-isforzi tiegħu bħala korrispondent tal-films u kritiku tal-films għall-attiviżmu tiegħu għar-riforma taċ-Ċensura u fl-aħħar mill-aħħar il-karriera tiegħu bħala produttur tal-films li ġiet imfaħħra mill-kritiċi.
Preżentazzjoni 2 Il-Proġett ta’ Restawr tal-Films ta’ Cecil Satariano minn Veronica Galea u Tom Bakels Bl-użu ta’ immaġnijiet u siltiet minn films komparattivi “qabel u wara” biex juru l-interventi tar-restawr, id-Direttriċi u r-Restawratur Prinċipali tal-Films ta’ dan il-proġett se jippreżentaw id-diversi sfidi li ltaqgħu magħhom matul ir-restawr tal-films ta’ Satariano.Il-kelliema, li se jibdew billi jiddiskutu t-tfittxija għall-films li damet is-snin, se jelaboraw dwar kif ittrattaw il-materjali tal-films Super 8 u 16mm li kienu ddeterjoraw, u l-kwistjonijiet li nqalgħu meta ġew skoperti edits differenti ta’ xi wħud mill-films.
Film 1 Giuseppi (1971, Super 8, 22 minuta)
Film 2 Let Them Be (1971, Super 8, 11-il minuta)
Biljetti MHUX SE jinbiegħu minn Spazju Kreattiv għal din il-ġurnata. Is-siġġijiet għal din il-ġurnata huma fuq bażi ta min jiġi l-ewwel jinqeda l-ewwel. Għal aktar informazzjoni, ikkuntattja l-Arkivji Nazzjonali ta’ Malta permezz tal-email [email protected]
