Dan l-avveniment għadda

Bħala parti mit-3CL Young People’s Summit li se jsir bejn is-7 u t-8 ta’ Novembru 2025, din il-wirja, li qed tiġi esebita fil-Kafeterija l-Qadima, toffri ankra kulturali għat-temi tas-summit li jinkludu ċ-ċittadinanza diġitali, id-diżordni tal-informazzjoni (misinformazzjoni, disinformazzjoni etc) , postijiet tax-xogħol multigenerazzjonali fi żmien l-intelliġenza artifiċjali, u x’ setgħat nehtiegu biex nghixu flimkien mal-AI.

Imnebbħa mill-manifest Young People and Information, il-wirja tistieden konverżazzjoni kulturali u interġenerazzjonali, billi tuża l-arti biex tqiegħed id-dibattiti tal-lum fi ħdan storja itwal tal-midja u l-komunikazzjoni. Il-wirja hi mahsubha biex tkun kemm riflessiva kif ukoll interattiva.

Hi tinqasam fi tliet partijiet: Timeline 1 turi kif it-teknoloġiji tal-komunikazzjoni suċċessivi sawru l-identità kulturali ta’ Malta; Timeline 2, rota interattiva, li tesplora oġġetti ta’ divertiment li ddefinixxew mumenti ta’ tfulija u żgħożija fil-kultura Maltija; u l-Confessional Wall jistieden lill-viżitaturi jirriflettu fuq l-ambjenti diġitali tagħhom, billi jqabbel “konfessjonijiet” anonimi onlajn, ma’ konfessjonijiet miktubin bl-idejn li jġorru sens aktar profond ta’ preżenza u responsabbiltà.

Għal aktar informazzjoni żur 3cl.org

Direttur

Alex Grech, Fondazzjoni 3CL

Kuratur u Artista

Nina Olsen Kullenberg