Firmament hija wirja individwali mill-artist viżiv u l-awtur Ryan Falzon. It-terminu “firmament” tradizzjonalment jirreferi għas-sema jew il-volta tas-sema, maħsuba fil-kożmoloġija antika u t-testi bibliċi bħala koppla solida li tirrapprezenta l-konfini bejn dak li huwa tad-dinja u d-divin.
Firmament hija stedina għal vjaġġ fi ħdan l-ispazju liminali fejn il-kożmoloġiji jinħallu, u d-dinjiet esterni u interni jikkonverġu. Firmament tesponi stati traxxendentali u tensjonijiet psikoloġiċi permezz tal-istratifikar. F'dan il-korpus ta’ xogħol multidixxiplinari, li jinkludi pitturi, installazzjonijiet, u qari, Falzon jesplora u jinfed l-idea ta’ firmament stabbli u ordnat, filwaqt li jieħu ispirazzjoni viżwali u kunċettwali mil-Mesopotamja u l-Eġittu tal-qedem, illustrazzjonijiet esoterici medjevali, u referenzi diretti lejn l-inċiżjoni Flammarion. Din l-immaġni ikonika turi vjaġġatur kurjuż li jinfed it-tarf tas-sema, irrappreżentat bħala koppla ċelestjali solida, biex jara l-makkinarju moħbi tal-kożmos lil hinn minnu. Dan l-att ta’ tiċrit tal-firmament jissimbolizza x-xewqa tal-bniedem li jittraxxendi l-fiżiku u il- kosmiku, waqt li ghaddej fuq vjagg intern.
Żjarat tal-Wirjiet:
L-Erbgħa 17 ta' Ġunju 2026, 7pm
Tnedija tal-Katalgu fl-Ispazju C4:
Il-Ħamis 25 ta' Ġunju 2026, 7pm
Kelliema: Francois Zammit, Veruschka Götz, u Ryan Falzon
It-tnedija pubblika tal-katalgu ta’ Firmament, li se ssir fil-25 ta’ Ġunju fis-7.00pm, se tlaqqa’ lill-artist Ryan Falzon u lill-kuraturi François Zammit u Veruschka Götz f’konversazzjoni miftuħa dwar il-qafas kunċettwali, il-proċess artistiku u l-metodoloġiji kuratorjali li fuqhom hija mibnija l-wirja. Bħala proġett multidixxiplinari li jgħaqqad il-pittura, l-installazzjoni u l-kitba fittizja ta’ Falzon, Firmament jopera bejn in-narrattiva u l-espressjoni viżiva, u jwassal lill-viżitatur fi vjaġġ introspettiv. Id-diskussjoni se tesplora d-deċiżjonijiet kuratorjali li sawru r-ritmu u l-loġika spazjali tal-wirja, kif ukoll il-modi kif it-tifsira tinbena permezz tal-frammentazzjoni, id-djalogu u l-atmosfera fil-gallerija nnifisha.
Artist Ryan Falzon
Ko-Kuraturi Veruschka Götz & François Zammit
 |
 |
 |
 |
 |
 |
 |
