Dan l-avveniment għadda

 Castillo Screening + Panel Discussion

Bħala parti mill-Festival Mediterranju tal-Letteratura ta’ Malta 2025, fl-20 ta’ Awwissu fis-7.30 pm fiċ-Ċinema ta’ Spazju Kreattiv se jintwera l-film Malti Castillo. Bl-appoġġ tal-Kunsill Nazzjonali tal-Ktieb, il-film se jkun segwit minn diskussjoni pubblika mmexxija mill-kittieb u l-kritiku Teodor Reljić. Jingħaqdu miegħu Simone Spiteri, kittieba għat-teatru u awtriċi mistiedna għall-Festival ta’ din is-sena; Mark Camilleri, il-Kap Eżekuttiv tal-Kunsill Nazzjonali tal-Ktieb; u l-filmografu Carlos Debattista. Castillo jesplora t-temi tal-identità u l-memorja permezz ta’ narrattiva qawwija ffukata fuq ir-rabtiet tal-familja u r-relazzjonijiet femminili. Wara d-diskussjoni, l-awtriċi Clare Azzopardi, il-kittieba tar-rumanz li nebbaħ il-film, se tiffirma l-kotba tagħha. Is-serata tagħlaq b’bibita informali, li toffri lill-udjenza tagħna l-okkażjoni li tiltaqa’ mal-kelliema u tkompli d-diskussjoni f’ambjent informali.

Data u ħin: L-Erbgħa 20 ta’ Awwissu fis-7:30pm

Tul: sagħtejn u 8 minuti film + nofs siegħa diskussjoni + riċeviment

Post: Spazju Kreattiv Cinema

Lingwa: Malti (sottotitli bl-Ingliż)

Prezz: €5

Link tal-biljett

All the Wor(l)d’s a Stage

Bħala parti mill-Festival Mediterranju tal-Letteratura ta’ Malta 2025, fis-26 ta’ Awwissu fit-8 pm fi Spazju Kreattiv se tittella’ s-serata All the Word’s a Stage. Din is-serata tlaqqa’ flimkien il-performattività, il-poeżija u l-kitba għall-palk sabiex tesplora s-saħħa tal-kelma mitkellma u miktuba fuq il-palk. Il-kelliema mistiedna huma l-kittieba għat-teatru u attriċi Maltija Simone Spiteri, u l-poeta u performer Belġjana Maud Vanhauwaert, li se tieħu sehem bħala parti mill-pjattaforma Versopolis li tappoġġja vuċijiet poetiċi emerġenti minn madwar l-Ewropa. L-awtur u performer Keith Borg imexxi s-sessjoni, li ddur madwar il-konverġenzi bejn il-letteratura, it-teatru u l-performattività. Il-lejla tinkludi qari u performances li jenfasizzaw l-impatt tal-kelma mitkellma. Dawk li jattendu jkollhom l-opportunità jixtru l-kotba ta’ Simone Spiteri u jingħataw chapbook b’xejn bil-poeżiji ta’ Maud Vanhauwaert, tradotti minn Clare Azzopardi u ppubblikati minn Inizjamed bl-appoġġ ta’ Versopolis.

Data u ħin: It-Tlieta 26 ta’ Awwissu fit-8pm

Tul: siegħa u nofs

Post: Spazju Kreattiv – Studio B

Lingwa: Ingliż, Malti, Olandiż

Prezz: €5

Link tal-biljett

Masterclass with Kassia St Clair

Bħala parti mill-Festival Mediterranju tal-Letteratura ta’ Malta 2025, fit-28 ta’ Awwissu fl-4 pm, Kassia St Clair se tmexxi masterclass esklussiva. Din il-masterclass se tittella’ fi Spazju Kreattiv. Is-sessjoni, li ddum tliet sigħat u hija mfassla għal udjenza limitata, se tiffoka fuq il-kitba tal-istorja kulturali billi tuża l-kulur bħala s-suġġett ċentrali. Kassia St Clair, mir-Renju Unit, hija awtriċi u storika kulturali magħrufa sew b’mod partikolari għall-ktieb tagħha The Secret Lives of Colour, li jesplora l-istejjer affaxxinanti ta’ kuluri differenti matul l-istorja kulturali u soċjali. Il-masterclass immirata għal dawk kollha li jħobbu l-kitba (u l-kuluri). Matul il-masterclass jiġi offrut xi tinqir. Minħabba n-natura intima tal-masterclass u l-postijiet limitati, ir-reġistazzjoni bikrija hija ssuġġerita.

Data u ħin: Il-Ħamis 28 ta’ Awwissu fl-4pm

Tul: 3 sigħat

Post: Spazju Kreattiv – Studio A

Lingwa: Ingliż, Malti, Olandiż

Prezz: €50 (ġenerali), €25 (studenti)

Link tal-biljetti