TW: Dan il-proġett awdjoviżiv fih ħsejjes li jistgħu jkunu ta’ dwejjaq u/jew ta’ tgħakkis għal dawk b’sensittivitajiet uditorji.

Dan il-proġett awdjoviżiv huwa ispirat mill-misofonija, kundizzjoni newrokomportamentali kkaratterizzata minn reazzjonijiet emozzjonali intensi, bħall-irritazzjoni, id-disgust, jew ir-rabja, lejn ħsejjes speċifiċi ta’ kuljum.

Dawn jistgħu jinkludu il-magħad, it-teħid tan-nifs, ix-xamm, jew ħsejjes oħra li jidhru mondani li tipikament ma jindunawx bihom il-biċċa l-kbira tan-nies. Għal dawk bil-misofonija, dawn il-fatturi jistgħu jipprovokaw reazzjoni qawwija fight-or-flight, li twassal għal distress u ħtieġa urġenti li wieħed jaħrab.

Ix-xogħol għandu l-għan li jdaħħal lill-viżitaturi f’din l-esperjenza sensorja li spiss tiġi mifhuma ħażin billi joħloq pajsaġġ soniku skomdu apposta magħmul minn skattaturi komuni tal-misofonija. Dawn il-ħsejjes huma mqabbla ma’ animazzjoni b’media mħallta, li tamplifika l-intensità emozzjonali u psikoloġika tal-kundizzjoni.
Minflok ma jsegwi narrattiva konvenzjonali fi tliet atti, ix-xogħol huwa strutturat bħala vjaġġ vixxerali u emozzjonali, li jistieden lill-udjenza biex tgħix fil-perspettiva ta’ xi ħadd li jgħix bil-misofonija. Permezz ta' dan, il-proġett ifittex li jqajjem kuxjenza u jqanqal empatija billi jittraduċi taqbida interna f’laqgħa sensorjali kondiviża.

Avvenimenti Anċillari

Screening u Q&A

Data u Ħin: 27 ta' Novembru fis-6PM

Tul: siegħa

Post: Spazju Kreattiv Ċinema

Kelliema mistiedna: Violet Fellay, Yasmin Kuymizakis, u Michelle Gruppetta; Moderatur: Dr. Amy Camilleri Zahra

Inħeġġukom tingħaqdu għall-Tour tal-Artista ma' Michelle Gruppetta,  fl-esibizzjoni tagħha "Misophonia," fejn se taqsam l-esperjenza tagħha kif ħolqot dan il-proġett, kif għaqqdet l-animazzjoni 2D mal-istampar risografiku, l-inspirazzjonijiet tagħha, kif ukoll il-mod kif dan il-proġett jiddiskuti l-isfidi li tqajjem il-kundizzjoni medika tal-miżofonija u t-tniġġis tal-ħoss hawn Malta.

"Misophonia," hija l-ewwel esibizzjoni risografika li qed titella' f'Malta. Kemm jekk inti artist, dilettant, jew sempliċiment kurjuż dwar x'kien involut fit-tfassil u l-proċess ta' dan il-proġett, dan i-tour joffrilek ċans uniku biex tinvolvi ruħek u tiddiskuti.

Tours tal-Artisti

1. Data u Ħin: 10 ta' Diċembru, 2025 fis-7PM
Post: Atrium

Irreġistra Hawn

2. Data u Ħin: Il-Ħadd, 11 ta' Jannar 2026 fil-11AM
Post: Atrium

Irreġistra Hawn

Direttur Kreattiv, Disinjatur & Animatur
Michelle Gruppetta

Koordinatur tal-Proġett & Animatur
Violeta Fellay

Disinjatur tal-Ħoss
Yasmin Kuymizakis

Dan il-proġett huwa fi sħubija mal-Kunsill Malti tal-Arti (il-Fond tal-Iskema ta’ Appoġġ għall-Arti), huwa appoġġjat minn TvPaint u f’kollaborazzjoni ma’ ADHD Malta.